XX. mendeko Euskararen Corpus estatistikoa

Testuingurua

Gailurrik gorenak.

Mendikate hontako tontorrik garaiena Argentinan aurkitzen da: Akonkaguak 6.959 m. ditu eta Amerikako mendipuntarik garaiena da.

Bere izenak harrizko zelataria esan nahi du Ketxueraz.

Bertan bizia utzi duten alpinistak hirurogeitik gora dira.

Bere alderdietako batetan ez du inoiz eguzkiak ematen.

Ekuadorren, Txinborazo mendiak 6.267 m. ditu eta Kotopaxik 5.897 m.

Txatxani mendia, 6.096 m. eta Koropuna 6.665 m. Peruko partean aurkitzen dira.

Beraz, goierarik nagusienak erdialdeko eta hegoaldeko Andeetan aurkitzen dira.

Sumendiak.

Eraso bolkanikoak edonoiz izaten dira Andeetan, eta zenbait herrialdetan (Txile, Peru) nazio guztiaren ezbehartzat jasaten dira trajedia nazional gertatzen dira.

Goiera eta eite ikaragarrikoak izan arren, mendi hauen azala berriegi eta zartakor da oraindik, eta horregatik gertatzen dira lurrikarak eta erupzioak hain sarritan.

Txilen ba dira ekinean ari diren, oraindik itzali ez diren krater batzuk; Kabulko'ren eta Kopiapo'ren azken erupzioak adibidez, 1960 urteaz geroz gertatu dira.

Sumendi erroelariren artean bat Kolonbiako Sotara da, 4.850 metrotakoa.

Komunikazio bideak.

Mendi zorrotera sakonek, lurralde aldapatsuek, pasabidetxur meharrek ez dute joanetorririk errazten.

Espainolek mandoa erabili zuten gehienbat, animali oso baliagarria bait da mendirako: ez da hestutzen eta izutzen ere zaldia bezala, eta oso nekez galtzen du oreka.

Mendi hauek iragan ahal izatearren egin zen mendian goreneko trenbidea (Antofagasta), eta orain Panamerikar kaminoaren bidez gainditu nahi dira azken oztopoak.

Baina oraindik ere abioiez bakarrik komunikatzen dira egoki hiri guztiak.